أهلاً شباب،
حاب أشارككم تحديث جديد لنظامي GOTOS .
وصلنا للإصدار v0.4.8، وهذي أهم الأشياء اللي تغيرت:
أولاً، طوّرت محرر النصوص (edit) لنسخة v1.0:
- صار يقدر يمسح الملف كله بـ Ctrl+D.
- يمسح آخر كلمة بـ Ctrl+W.
- يمسح السطر الأخير بـ Ctrl+K.
وطبعاً صار يعرض رقم الإصدار والمفاتيح أول ما تفتحه عشان ما تتلخبط.
ثانياً، ضفت أدوات نصوص جديدة للمبرمجين:
- أمر `grep`: تبحث عن كلمة في ملف، ويطلعلك السطر كامل (مو بس يقولك موجود أو لا).
- أمر `wc`: يحسب لك كم سطر وكم كلمة وكم حرف في الملف.
ثالثاً (وهذا الأهم): ركزت على الاستقرار.
بصراحة كنت أحاول أضيف رسوميات (VGA Graphics) ومؤقتات (PIT)، بس والله قعدت تطلع لي انهيارات (Triple Faults) وصداع نصفي. قلت خلاص، أرشقها كلها برا النظام وأخليه ثابت 100%. حالياً النظام نصي بحت، سريع، وخفيف جداً، والرسوميات والمؤقتات راح أرجع لها في تحديثات مستقبلية لما أكون جاهز لها.
النظام حالياً فيه 26 أمر، نظام ملفات (RAM + قرص)، وكل شيء شغال تمام.
تقدرون تجربونه على QEMU، والكود كله مفتوح المصدر على GitHub. أي ملاحظات أو نقد بنّاء أهلًا وسهلًا!
وملاحظة يا شباب:
نظام هو حاليا نظام تعليمي عادي مو تجاري نظام هوايه سويته للتعلم سويت منظمه Github تشرف على تحديثات هذا نظام يعني مو امسوي نظام ده للمنافسة ومجرد نظام تعليمي وشكرا
رابط المشروع: