مرحبًا شباب 
أنا جديد في المجتمع، وحابب أشاركم مشروعي المتواضع: نظام تشغيل بنيته من الصفر اسمه [Got os]
بالنسبة للاسم، في قصة بسيطة وراه: طفولتي كانت مرتبطة بالماعز (Goat) بشكل كبير، فلما بدأت المشروع ودورت على اسم، حبيت أختار حاجة مرتبطة بذكرى من طفولتي بدل اسم عشوائي — فطلع GOT[os]
تفاصيل تقنية عن المشروع:
معماري 32-bit (x86 Protected Mode)
بنيته بالكامل من هاتفي عن طريق Termux مع أنظمة محاكاة (QEMU)
حاليًا في نسخة 0.2
اللي شغال لحد دلوقتي:
Shell بسيط بأوامر أساسية (help, version, clear, echo, color, sysinfo, reboot, off system)
نظام ملفات بسيط قائم على الـ RAM (ls, touch)
هذا المشروع مجرد هواية شخصية بحبها، بكتبه في وقت فراغي، ومش هدفي منه شيء احترافي أو تجاري — بس بستمتع بالتعلم والبناء من الصفر.
حابب أسمع نصايحكم ومقترحاتكم لتحسين النظام، خصوصًا في المرحلة الجاية (هدفي القادم هو ATA driver عشان أوصل لقرص صلب حقيقي بدل التخزين المؤقت في الرام).
شكرًا لكل اللي هياخد وقته يقرا ويرد 